ਸਕੂਲੀ ਸਿੱਖਿਆ ਨੂੰ ਇਸ ਦੇ ਹਾਣੀ ਬਣਾਉਣ ਦੇ ਭਰਪੂਰ ਯਤਨ ਵਜੋਂ ਸਕੂਲਾਂ ਵਿੱਚ ਕੰਪਿਊਟਰ ਸਿੱਖਿਆ ਨੂੰ ਬੜੇ ਸੁਚੱਜੇ ਢੰਗ ਨਾਲ ਲਾਗੂ ਕੀਤਾ ਹੋਇਆ ਹੈ । ਸਕੂਲਾਂ ਦੇ ਅਧਿਆਪਕਾਂ / ਕਰਮਚਾਰੀਆਂ ਦਾ ਜਿਲ੍ਹਾ ਪੱਧਰ ਅਤੇ ਰਾਜ ਪੱਧਰ ਦੇ ਦਫਤਰਾਂ ਨਾਲ ਤਾਲਮੇਲ ਸੁਚਾਰੂ ਢੰਗ ਨਾਲ ਬਣਾਉਣ, ਉਨ੍ਹਾਂ ਦੇ ਦਫਤਰੀ ਕੰਮ ਸਮੇਂ ਸਿਰ ਅਤੇ ਘੱਟੋ-ਘੱਟ ਜਾਂ ਬਿਨਾਂ ਨਿਜੀ ਸਮੂਲੀਅਤ ਤੌਂ ਕਰਨ ਲਈ ਡੀ.ਈ.ਓ. ਦਫਤਰ ਦੀ ਵੈਬਸਾਈਟ ਤਿਆਰ ਕੀਤੀ ਗਈ ਹੈ । ਇਸ ਆਧੁਨਿਕ ਸੰਚਾਰ ਪ੍ਰਣਾਲੀ ਦੀ ਸੁਚੱਜੀ ਵਰਤੋ ਦੇ ਉਪਰਾਲੇ ਨਾਲ ਦਫਤਰਾਂ ਨੂੰ ਲੋੜੀਂਦੀ ਸੂਚਨਾ ਬੜੇ ਸੁਖਾਲੇ ਢੰਗ ਨਾਲ ਪ੍ਰਾਪਤ ਹੋ ਸਕੇਗੀ । ਇਸ ਵੈਬਸਾਈਟ ਉਪਰ ਅਧਿਆਪਕਾਂ / ਕਰਮਚਾਰੀਆਂ ਨੂੰ ਲੋੜੀਂਦੇ ਦਸਤਾਵੇਂਜ ਅਸਾਨੀ ਨਾਲ ਉਪਲਬਧ ਰਹਿਣਗੇ । ਮੈਂ ਉਮੀਦ ਕਰਦਾ ਹਾਂ ਕਿ ਸਿੱਖਿਆ ਵਿਭਾਗ ਅਤੇ ਇਸ ਦੇ ਸਮੂਹ ਕਰਮਚਾਰੀਆਂ ਨੂੰ ਇਸ ਦਾ ਭਰਪੂਰ ਫਾਇਦਾ ਹੋਵੇਗਾ ਅਤੇ ਸਿੱਖਿਆ ਵਿਭਾਗ ਤਰੱਕੀ ਦੀਆਂ ਪੁਲਾਂਘਾਂ ਪੁੱਟਦਾ ਰਹੇਗਾ ।